અવિનયમપનય વિષ્ણો દમય મનઃ શમય વિષયમૃગતૃષ્ણામ |
ભૂતદયાં વિસ્તારય તારય સંસારસાગરતઃ || 1 ||
દિવ્યધુનીમકરંદે પરિમળપરિભોગસચ્ચિદાનંદે |
શ્રીપતિપદારવિંદે ભવભયખેદચ્છિદે વંદે || 2 ||
સત્યપિ ભેદાપગમે નાથ તવાஉહં ન મામકીનસ્ત્વમ |
સામુદ્રો હિ તરંગઃ ક્વચન સમુદ્રો ન તારંગઃ || 3 ||
ઉદ્ધૃતનગ નગભિદનુજ દનુજકુલામિત્ર મિત્રશશિદૃષ્ટે |
દૃષ્ટે ભવતિ પ્રભવતિ ન ભવતિ કિં ભવતિરસ્કારઃ || 4 ||
મત્સ્યાદિભિરવતારૈરવતારવતાஉવતા સદા વસુધામ |
પરમેશ્વર પરિપાલ્યો ભવતા ભવતાપભીતોஉહમ || 5 ||
દામોદર ગુણમંદિર સુંદરવદનારવિંદ ગોવિંદ |
ભવજલધિમથનમંદર પરમં દરમપનય ત્વં મે || 6 ||
નારાયણ કરુણામય શરણં કરવાણિ તાવકૌ ચરણૌ |
ઇતિ ષટ્પદી મદીયે વદનસરોજે સદા વસતુ ||